Sú var tíðin að hið ástralska Rosemount Shiraz var tíður gestur á heimili okkar og margra vina okkar. Gott vín á góðu verði sem ávallt féll í góðan jarðveg. Svo leið tíminn og bragðlaukarnir færðu sig á önnur mið, en Rosemount Shiraz hefur ávallt staðið fyrir sínu í þau skipti sem hann hefur rekið á mínar fjörur eftir það. Þetta vín er ættað úr McLaren Vale, en þaðan koma mörg þrusugóð vín úr shiraz-þrúgunni. Það var orðið nokkuð langt um liðið frá því ég smakkaði hann síðast en hann
stendur enn fyrir sínu. Þegar flett er upp í víndómasafni Wine Spectator er einkunnin nánast alltaf sú sama – 86-89 stig og fær stundum nafnbótina Best Value.
Í hillum vínbúðanna er núna Rosemount Shiraz Diamond Label 2014. Það er kirsuberjarautt, ungt. Í nefinu jarðarber, hindber, amerísk eik, leður, timjan og pipar. Frísklegt í munni, ekki mikil tannín, ágæt sýra. Hindberjasulta, smá lakkrís og bláber í eftirbragðinu. Það kostar 2.430 kr – hentar vel með grillinu og í veisluna.
Vínsíðan
Smelltu hér til að gefa einkunn
[Alls: 0 Meðaltal: 0]