Vínklúbburinn kom saman fyrir skömmu eftir mjög langt sumarfrí og smakkaði að vanda nokkur góð vín. Mæting var með ágætum – allir sem voru staddir á landinu mættu á fundinn, en tveir meðlimir voru erlendis. Alls voru 5 vín prófuð á þessum fundi og verða þeim gerð skil í nokkrum póstum.
F
yrst smökkuðum við hvítvín frá Búrgúndí – Hubert Lamy Santenay Premier Cru Clos des Gravieres 2013. Það er daufgult á lit, unglegt að sjá með fallega tauma. Í nefið koma strax sítrusávextir, en einnig bananar, möndlur, jarðarber og smá sveitalykt. Í munninn koma epli, perur og jarðarber, einnig smá krydd – vínið er í góðu jafnvægi, með eftirbragði sem heldur sér vel og lengi. Vínið vakti mikla hrifningu og fær 90 stig.
Einkunn:
Vínsíðan
Næst smakkaði fundurinn Descendientes de j. palacios Petalos 2013, sem ég hef áður fjallað um hér á Vínsíðunni. Vínið vakti hins vegar ekki jafn mikla hrifningu hjá klúbbmeðlimum og það gerði hjá mér, og fékk aðeins 85 stig (einn vildi gefa 75 stig).