eirikur·
Fréttir
··1 min read··2 views

Og vín ársins hjá Wine Spectator er…

frá Kaliforníu, nánar tiltekið Sonoma County.  Það heitir Kosta Browne Pinot Noir Sonoma Coast 2009.  Vínið hlaut 95 stig, kostar 52$ og voru framleiddir 5,818 kassar.  Þetta vín hefur verið ofarlega á listanum undanfarin ár og hreppti nú hnossið, enda uppfyllir það helstu kröfurnar sem sérfræðingar Wine Spectator gera til víns árins – fær góða einkunn, kostar ekki of mikið, er framleitt í nægilegu magni til að almenningur geti nálgast það, og svona til að réttlæta að það sé tekið fram yfir önnur vín sem fá hærri einkunn, kosta svipað og eru framleidd í meira magni – það hefur stóran vá-faktor, þ.e. þykir nógu spennandi.  Auðvitað spillir ekki fyrir að það sé amerískt…
Annars lítur topp-10 listinn svona út:

  1. Kosta Browne Pinot Noir Sonoma Coast 2009 (95 stig, 52$, 5,818 kassar framleiddir, Kalifornía, USA)
  2. Hall Cabernet Sauvignon Napa Valley Kathryn Hall 2008 (96 stig, $90, 2,450 kassar, Kalifornía, USA)
  3. Domaine Huët Vouvray Moelleux Clos du Bourg Première Trie 2009 (96 stig, $69, 760 kassar, Loire, Frakkland) – samkvæmt heimasíðu Systembolagets er ein flaska til í Stokkhólmi (líklegt að það sé kerfisvilla). Ýmis önnur vín frá framleiðandanum fáanleg í Svíþjóð, kannski hægt að panta meira af þessu.
  4. Campogiovanni Brunello di Montalcino 2006 (96 stig, $50, 7,000 kassar, Toskana, Ítalía) – Fæst í Systembolaget og ég á nokkrar í kælinum!
  5. Dehlinger Pinot Noir Russian River Valley 2008 (95 stig, $50, 1,050 kassar, Kalifornía, USA)
  6. Baer Ursa Columbia Valley 2008 (95 stig, $35, 1,095 kassar, Washington, USA)
  7. Quinta do Vallado Touriga Nacional Douro 2008 (95 stig, $55, 2,188 kassar, Douro, Portúgal) – nokkur önnur vín frá framleiðandanum fást í Systembolaget.
  8. Domenico Clerico Barolo Ciabot Mentin Ginestra 2006 (96 stig, $90, 1,500 kassar, Piedmont, Ítalía) – Fæst í Systembolaget
  9. Alain Graillot Crozes-Hermitage La Guiraude 2009 (94 stig, $55, 650 kassar, N-Rón, Frakkland)
  10. Château de St.-Cosme Gigondas Valbelle 2009 (94 stig, $58, 1,175 kassar, S-Rón, Frakkland) – önnur vín frá þessum framleiðanda fást bæði í Vínbúðum ÁTVR og í Systembolaget.

Topp-100 listinn verður birtur eftir helgina og hver veit nema eitthvað meira sé aðgengilegt í vínbúðunumÖ

Vinir á Facebook