Vínið er blandað úr 90% Sangiovese og 10% Cabernet Sauvignon og öðrum rauðum þrúgum sem valdar eru af Santa Cristina, Peppoli og Badia a Passignano vínekrum á Mercatele Val di Pesa svæðinu í Chianti Classico, en það eru bestu vínekrur Antinori-fyrirtækisins. Fallega rautt vín, þokkaleg dýpt en er ennþá með rönd æskunnar. Indæl angan af kirsuberjum með ögn af tóbaki og gott ef ekki bregður fyrir smá lakkrís. Góð fylling og eftirbragðið heldur sér ágætlega. Þolir nokkra geymslu en er þó ekki jafn sterkbyggt og fyrirrennarinn frá 1997. Gengur vel með íslenska lambinu og að sjálfsögðu ítölskum mat.
Einkunn: 8,0
